Ո՞ր արժանիքների համար է միջակ երգիչ Ֆորշը բնակարան նվեր ստանում Երևանի քաղաքապետարանից՝ մեր հաշվին
Այն ժամանակ, երբ մշակույթի բազմաթիվ երախտավորնորներ մնում են անտեսված
29.06.2023
Երգիչ Ֆորշին Երևանի քաղաքապետարանը մեր՝ հարկատուներիս հաշվին բնակարան նվիրեց:
Ֆորշն, ինչ խոսք, հայտնի է իր լավ երգերով, բայց քչերն են պատրաստ դրանք գլուխգործոց անվանել։ Ֆորշի տաղանդը կարելի է հեշտ վիճարկել, և շատերը նրան համարում են սովորական միջակ կատարող։
Նա 2011-ին բազմաթիվ այլ միջակությունների հետ միասին ՀՀ վաստակավոր արտիստի կոչում էր ստացել: Սերժ Սարգսյանը ժամանակին Հայաստանի վաստակավոր արտիստի կոչում էր աջուձախ շռայլում այն արտիստներին, ովքեր ակնհայտորեն արժանի չէին այդ պատվին։ Մասնավորապես, երգիչներ Արմենչիկը և Արման Հովհաննիսյանները դարձել են ՀՀ վաստակավոր արտիստներ՝ շնորհիվ իրեն Հայաստանի մշակութային կենտրոն համարող երջանկահիշատակ Ռիտա Ալեքսանդրովնա Սարգսյանի հետ ունեցած ընկերական հարաբերությունների։
Այս իրավիճակի ֆոնին հարց չի առաջանում՝ ի՞նչ արժանիքներ օգնեցին Ֆորշին ստանալ Հայաստանի վաստակավոր արտիստի կոչում և արտոնություններ, օրինակ՝ բնակարան Երևանի քաղաքապետարանից։
Ակնհայտ է, որ դա տեղի է ունենում ոչ թե տաղանդի, այլ իշխանություններին խոնարհվելու և նրանց հաճոյանալու պատրաստակամության շնորհիվ: Հայաստանում մշակութային վաստակը տեղը զիջում է քաղաքական և անձնական կապերին։
Հայկական մշակույթի իրապես հարգված և տաղանդավոր շատ ներկայացուցիչներ չեն ստանում պատշաճ ճանաչում և աջակցություն պետության կողմից։
Միևնույն ժամանակ Ֆորշը, չլինելով կարկառուն արվեստագետ, բնակարան է նվեր ստանում Երեւանի քաղաքապետարանից։ Այս փաստն ընդգծում է հանրային ռեսուրսների և արտոնությունների բաշխման հանդեպ կամայական վերաբերմունքը ինչ տխրահռչակ Տարոն Մարգարյանի, ինչ ոչ պակաս տխրահռչակ Տիգրան Ավինյանի կողմից, ով նման էժանագին ակցիաներով ավելի է էժանացնում իր առանց այդ էլ էժան հեղինակությունը:
