Ադբաշյանի վերջին թռիչքը
3 дек. 2020 г.
1 мин. чтения
03.12.2020
Կյանքից հեռացել է Խորհրդային Հայաստանի քաղավիացիայի վարչության ղեկավար, վերջին տարիներին՝ Հայաստանի ազգային ավիացիոն միավորման նախագահ Դմիտրի Ադբաշյանը:
Ադբաշյանի օրոք հայկական ավիացիան հիրավի վերելք ապրեց, Խորհրդային Հայաստանը նրա շնորհիվ ուներ գերզարգացած ավիացիոն ցանց՝ 26 օդակայաններով, որոնք անկախության տարիներին հայտնվեցին թշվառական վիճակում։
Ադբաշյանը անձնականի պես էր տանում հայկական ավիացիայի ողբերգությունը և հանդես էր գալիս ոլորտի բարելավման գործուն առաջարկություններով։ Դրանք, ինչպես և սպասելի էր, որևէ ուշադրության չէին արժանանում իշխանությունների կողմից, որոնց նպատակը մեկն էր միայն՝ անել այնպես, որ հայկական ավիացիան լավագույն դեպքում մնա գետնի վրա, իսկ վատագույնում՝ երազանքներում։
