07.09.2023
Հայ-ադրբեջանական սահմանին տիրող իրավիճակը շատ վերլուծաբանների ու փորձագետների մտահոգությունն է առաջացնում։ Վերջին ամիսներին Ադրբեջանը պաշտոնապես հայտարարել է տարածաշրջանում լայնածավալ զորավարժություններ անցկացնելու մասին։
Ադրբեջանն ակտիվորեն ամրապնդում է իր դիրքերը սահմանին, անցկացնում լայնածավալ զորավարժություններ, ինչը լարվածություն է ստեղծում տարածաշրջանում։ Հայաստանը գտնվում է զուտ պաշտպանական դիրքում, քանի որ հակառակորդը ռազմավարական նախաձեռնություն ունի և ցանկացած պահի կարող է որոշել, թե որտեղ է հարվածելու։
Սակայն միանշանակ է, որ լայնամասշտաբ պատերազմ չի լինի։ Ադրբեջանի վրա միջազգային ճնշումը հսկայական է, և հարձակումը Հայաստանի Հանրապետության վրա կարող է լուրջ խնդիրներ առաջացնել նրա համար։
Սահմանին կարող են լարվածության սրումներ լինել, ինչպես եղավ օրեր առաջ կամ անցյալ տարվա սեպտեմբերին։
Ադրբեջանը ցանկանում է տեղեկատվական մեթոդների կիրառմամբ խուճապ ստեղծել Հայաստանում, և դա նրան, կարծես, հաջողվում է:
Հայ-ադրբեջանական սահմանին իրավիճակը շարունակում է լարված մնալ, սակայն լայնածավալ պատերազմից դեռ հնարավոր է խուսափել միջազգային ճնշման և աշխարհաքաղաքական գործոնների շնորհիվ։
