Ու շոկի ենթարկում ողջ իրավապահ համակարգը
05.07.2023
Բլոգեր Վարդան Ղուկասյանը, ում բոլոր զինակիցներին Հայաստանի իշխանությունները ձերբակալել են, այսօր առավոտից տեսանյութեր է տեղադրում Հայաստանի բնաշխարհին նման պեյզաժների ֆոնին և պնդում, որ ինքը կարողացել է հատել Հայաստանի սահմանը՝ չնայած հետախուզման մեջ լինելուն:
Նրա շոուն հաջողվել է: Մեր տեղեկություններով, իրավապահ համակարգը ապշահար է:
Սակայն առավել ուշադիրները Ղուկասյանի երկրորդ տեսանյութում պատուհանի փոքր հատվածից և նրա արևային ակնոցների արտացոլման մեջ կնկատեն պիկապներ և նոր մոդելների ավտոմեքենաներ, որոնք ավելի շատ հատուկ են ԱՄՆ գյուղերին, քան Հայաստանի, ուր գերիշխում են Ժիգուլիներն ու Օպելները:
Նշենք, որ ԱՄՆ արևմուտքում, որտեղ, ըստ խոսակցությունների, հանգրվանել է Վարդան Ղուկասյանը, բնությունը տեղ-տեղ շատ նման է Հայաստանին, և այսպիսի կադրեր ստանալը բարդ չէ:
Ինչևէ, եթե բանն իրոք այդպես է, պետք է արժանին մատուցել սկանդալային բլոգերի հնարամտությանը: Իսկ եթե այդպես չէ և մեր վարկածը սխալ է, անհամբեր սպասում ենք իրադարձությունների զարգացմանը:
Աննա ՍԱՐԳՍՅԱՆ
