ԼԻՎԵՐՊՈՒԼ, 13.05.2023
Շվեդուհի երգչուհի Լորին Զինեբ Նորա Տալյհաուի Tatoo երգը հաղթեց անգլիական Լիվերպուլում ՈՒկրաինայի կողմից անցկացվող Եվրատեսիլ մրցույթում` հավաքելով 583 միավոր:
Լորինը «Euphoria» երգով արդեն ներկայացրել է Շվեդիան Եվրատեսիլ-2012 երգի մրցույթում և հաղթանակ է բերել իր երկրին` հավաքելով 372 միավոր։
Լորինի Tattoo-ն առաջին հաղթանակից 11 տարի անց կրկին գերեց եվրոպացի հանդիսատեսի սրտերը:
Լորինը ծնվել է 1983 թվականին Շվեդիայի մայրաքաղաք Ստոքհոլմում, ծագումով Մարոկկացի բերբերների ընտանիքում։ Հետագայում նրա ընտանիքը տեղափոխվում է Վաստերաս, որտեղ էլ Լորինը հաճախել է դպրոց։ Երկու ծնողներն էլ բերբերներ են հարավային Մարոկկոյից։
Լորինը հայտնի դարձավ այն բանից հետո, երբ 2004 թվականին մասնակցեց շվեդական Idol մրցույթին։
Եվ ահա արդեն երկրորդ անգամ Լորինի շնորհիվ Եվրատեսիլ մրցույթը հաջորդ տարի կհյուրընկալի Շվեդիան:
Հայաստանը 122 միավորով մրցույթում զբաղեցրեց 14-րդ տեղը։ Երկրորդ հորիզոնականում Ֆինլանդիան է, երրորդում՝ Իսրայելը։
Այս տարի մեր երկիրը ներկայացնում էր երգչուհի Բրյունետն իր Future Lover երգով։
