Մոսկվան ստանձնել է Արցախում ցեղասպանության օպերատիվ ապահովումը
20.09.2023
Կրեմլի, ՌԴ ԱԳՆ մակարդակով հայտարարվել է, որ ռուս «խաղաղապահների» դերը «Արցախի բնակչության տարհանումն է վտանգավոր գոտիներից»։
Ավելացնենք՝ համաձայն Պուտինի հրահանգի․ սեպտեմբերի 12-ին սրիկան հայտարարեց հազարամյա հայկական պետականության կրող Արցախի բնիկ մեծամասնության արտաքսման մասին, միայն թե «այս գործընթացը հարթ ընթանա»։
Հայ բնակչության հեռանկարը քաջ հայտնի է նրան. Արտաքսում, բռնություններ, տասնյակ հազարավոր տղամարդկանց զանգվածային ձերբակալություն եւ դատապարտում: Պուտինը հաստատել է ցեղասպանությանը իր «դոբրոն» Էրդողանին Սոչիում: Այսօր նրա խոսնակը հայտարարել է, որ Բաքուն ցեղասպանություն է իրականացնում իր օրինական տարածքի վրա՝ իրավունք ունի։ Հենց Բաքվի այս իրավունքի ճանաչման համատեքստում էլ Կրեմլը սահմանեց իր «խաղաղապահների միակ դերը»։
Պատահական չէ, որ Արցախի վերաբերյալ ՌԴ ՊՆ հաղորդագրությունները միայն այն մասին են, թե որքան խաղաղ բնակիչ են տարհանել իրենց խաղաղապահները։
Երեւանի ռուսապատկան միջոցները հանդես են գալիս «բոլորդ փախեք դեպի Իվանյանի օդակայան» փաստացի կոչերով, տարածելով սրտաճմլիկ լուսանկարը, անտեսելով Ստեփանակերտի քաղաքապետարանի՝ խուճապ չտարածելու կոչերը։ Ընդ որում, հրադադարի մասին հայտարարությունից հետո։
Երեւանյան միջոցները միակը չեն․ երեւանյան ագենտուրային իշխանաընդդիմադիր քաղդասը դրսի ուղղորդմամբ իշխանության բազարների մեջ է, շոու-բիզի դեպրեսիվ զանգվածը ողբ ու դատապարտվածություն է սփռում։ Ինքնակազմակերպման, զինվելու, կռվելու, վրեժի կոչերը «արկածախնդրություն» են, ազգի նկարագրին ոչ հարիր։
