13.09.2023
Այս պատմության մեջ կպատմենք Կանադայի Մոնրեալ քաղաքի երկու բնակչուհիների՝ Կատարինա Կարապետյանի և նրա դստեր՝ Սյուզաննա Շահբազյանի մասին, ովքեր ամեն ինչ անում են իրենց պատմական հայրենիքին՝ Հայաստանին օգնելու համար։
Կատարինա Կարապետյանը Հայաստանի ամենախոցելի մարզերից մեկին՝ Սյունիքին աջակցելու հանձնառությամբ կին է։ Նա նվիրված է Կապանի և Գորիսի երեխաների համար ավելի լավ ապագա ապահովելու գործին: Հաճախակի Կատարինան մեկնում է Կապան՝ իր ուժերի ներածին չափով մասնակցելու տեղական նախագծերին։
Նրա աշխատանքի առանցքային կողմը կրթությունն է։ Կատարինան երազում է, որ Գորիսում ու Կապանում երեխաները անգլերեն ու ֆրանսերեն սովորելու հնարավորություն ունենան։ Սա ոչ միայն կընդլայնի նրանց հորիզոնները, այլև նոր դռներ կբացի ապագա հնարավորությունների առումով: Այդ նպատակով Կատարինան ցանկանում է կապել կանադացի դեռահասներին և երիտասարդներին Գորիսի ու Կապանի երեխաների հետ այնպիսի տեխնոլոգիական միջոցով, ինչպիսին Zoom-ն է, որպեսզի նրանք կարողանան կիսվել գիտելիքներով և ուսումնառել անգլերեն և ֆրանսերեն:
Սյուզաննա Շահբազյանը՝ Կատարինայի դուստրը, անկասկած վառ օրինակ է այն բանի, թե ինչպես երիտասարդները կարող են իրենց հեղինակությունն ու գիտելիքները լավ նպատակի համար օգտագործել։ Ընդամենը 19 տարեկանում նա արդեն դարձել է Կանադայի մարմնամարզության ազգային հավաքականի սպորտսմենուհի։ Սյուզաննան օգտագործում է նաև Կանադայում ունեցած իր շփումներն ու հանրաճանաչությունը, որպեսզի մոր հետ միասին միջոցներ հավաքի Սյունիքի զարգացման համար:
Այս արտասովոր ընտանիքը ոչ միայն աշխատում է ի նպաստ Սյունիքի երեխաների և ընտանիքների, այլ նաև օրինակ է ծառայում Կանադայի և ամբողջ աշխարհի հայերի համար:
Նրանք այսօր արդեն ստացել են Կապանի քաղաքապետարանի աջակցությունը և ակնկալում են Գորիսի իշխանությունների ուշադրությունը: Կատարինան ցանկանում է, որ առցանց կուրսերին առաջին հերթին մասնակցեն առավել կարիքավոր ընտանիքների երեխաները, իսկ նրանց անհրաժեշտ է իրազեկել ապահովել համապատասխան տեխնիկայով:
Կատարինայի և Սյուզաննայի ջանքերը հիշեցնում են մեզ օգնության և աջակցության կարևորության մասին, որը մենք կարող ենք տրամադրել կարիքավորներին:
Կատարինա Կարապետյանն ու Սյուզաննա Շահբազյանը երկու ուժեղ կանայք են, ովքեր հույս ու լավ ապագա են բերում Սյունիքի երիտասարդներին և ոգեշնչում մյուսներին հետևել իրենց օրինակին:
