21.09.2023
Ադրբեջանցիներն այժմ կրակում ու շարժվում են Ստեփանակերտի ուղղությամբ, հայտնում է Արցախի նախկին պետնախարար Արտակ Բեգլարյանը:
«Արդեն կես ժամ է` կրակում են տարբեր կողմերից»,– NEWS.am-ի հետ հեռախոսազրույցում պատմեց Արցախի բնակիչ Գայանե Չալյանը։
Նրա խոսքով՝ ստեփանակերտցիները կրկին մտել են նկուղները. «Ժողովուրդը պանիկայի մեջ է։ Ով մեքենա ունի, հասնում է օդանավակայան, մենք չունենք մեքենա, մտել ենք նկուղ, սպասում ենք։ Ասում են՝ մտել են, կրակելով գալիս են, 9-րդ դպրոցի մոտ են, ուզում են դրոշը բերեն, դնեն Ստեփանակերտում՝ կառավարության շենքի վրա»,– արտասվելով պատմեց տիկին Գայանեն:
«Ստեփանակերտում խուճապ է, օդանավակայանի մոտ մարդկային կուտակումներ, անորոշ սպասում». Մարտակերտից դուրս եկած բնակիչն է պատմել «Ազատությանը»:
Հիշեցնենք, որ Ադրբեջանցիների հարձակումը Ստեփանակերտի վրա սկսվել է:
Մեր տեղեկություններով, նրանք ներթափանցում են Քրքջանի կողմից և քաղաքի տարբեր մասերում ցանկանում են բարձրացնել ադրբեջանական դրոշը:
Լրագրող Թաթուլ Հակոբյանը տեղեկացնում է, որ ադրբեջանցիներն այս պահին հաստատվել են Ստեփանակերտի երկու թաղամասերում՝ Արմենավան, նախկին՝ Կրկժան, և Աջափնյակ, նախկին՝ Մալիբեյլու:
Կրակոցները, որի մասին հաղորդում են օգտատերերը, տեղի է ունենում Ստեփանակերտից Շուշի տանող Արմենավանի հատվածում:
ԼՈՒՐԸ ԹԱՐՄԱՑՎՈՒՄ Է
