Երևանի քաղաքապետարանի ապօրինի վարքը լրջորեն վնասում է Հայաստանի հեղինակությանը՝ ցույց տալով, որ նույնիսկ դատարանի որոշումները կարող են անտեսվել, իսկ ներդրողները՝ մնալ անպաշտպան

«ՌԻԴ» ՍՊԸ-ն խորին մտահոգությամբ տեղեկացնում է, որ չնայած ՀՀ Վարչական վերաքննիչ դատարանի օրինական և ուժի մեջ մտած որոշումներին, Երևանի քաղաքապետարանը մինչ օրս հրաժարվում է կատարել դատարանի կողմից իրեն վերապահված պարտավորությունները։Դեռևս 2025 թ. մարտի 3-ին ՀՀ հարկադիր կատարումն ապահովող ծառայությունը հարուցել է երկու կատարողական վարույթ (թիվ 13285473 և 13285472), որոնց հիմքում դրված են «ՌԻԴ» ՍՊԸ-ի հաղթանակը դատարանում՝ կապված Հ. Բաբայան փողոց 1/1 և Կարապետ Ուլնեցու փողոց 2/01 հասցեներում բնակելի շինարարության նախագծային փաստաթղթերի և շինթույլտվությունների տրամադրման պահանջների հետ։Սակայն Երևանի քաղաքապետարանը, արհամարհելով թե դատարանի, թե հարկադիր մարմնի որոշումները, շարունակում է չկատարել իր պարտականությունները։ Ավելին, արդեն իսկ հարուցվել է քրեական վարույթ՝ դատական ակտերի չկատարման հիմքով, ինչը վկայում է խնդրի լրջության և իրավական միջավայրի անընդունելի խախտման մասին։«ՌԻԴ» ՍՊԸ-ն հանդիսանում է Հայաստանի խոշորագույն ներդրումային ընկերություններից մեկը, որը տարիներ շարունակ իր գործունեությունն իրականացրել է բացառապես օրենքի շրջանակներում՝ ներդրումներ իրականացնելով երկրի տնտեսության մեջ և ապահովելով հարյուրավոր աշխատատեղեր։ Սակայն այս իրավիճակը փաստում է, որ նույնիսկ իրավական բոլոր միջոցների կիրառմամբ հնարավոր չէ պաշտպանվել պետական մարմնի կամայականությունից։Մենք փաստում ենք՝ այս անգործությունն ու անպատասխանատվությունը վտանգում են ոչ միայն մեր ընկերության տնտեսական շահերը, այլ նաև խաթարում են Հայաստանի՝ որպես իրավական պետության և ներդրումային հուսալի տարածքի հեղինակությունը։ Դատական ակտերի կատարումը պետության կողմից պարտադիր է ոչ միայն օրենքի գերակայության ապահովման, այլև ներդրողների իրավունքների պահպանության համար։«ՌԻԴ» ՍՊԸ-ն հորդորում է Երևանի քաղաքապետարանին անհապաղ կատարել ՀՀ Վարչական վերաքննիչ դատարանի որոշումները՝ օրենքի շրջանակներում և բարեխղճորեն, վերականգնելով գործարար միջավայրի նկատմամբ վստահությունն ու իրավական համակարգի կայունությունը։