Ֆրանսիայի երեք քաղաքապետեր Գորիսում մարդասիրական բեռ են ուղեկցում Արցախ
Իսկ Երևանի քաղաքապետի թեկնածուները բակեբակ երգում են Ավետ Բարսեղյանի անմակարդակությունները...
30.08.2023
Ամե՜ն ինչից շատ, ամե՜ն ինչից վեր,
Սիրում է կյանքում նա իր... աթոռը:
Պարույր Սևակ
Հայկական պետության մայրաքաղաքի փողքաղաքապետը, քաղաքապետի թեկնածուն, խուսափում է հրապարկային Արցախի այսօրվա վիճակի մասին խոսել, հորդորելով լրագրողներին վերալեկներից ու քաղաքային առօրյա խնդիրներից հարց տալ։
Իսկ Փարիզի քաղաքապետը, որ Ֆրանսիացի է, իր հսկայական մայրաքաղաքի հոգսերը թողած, ժամանում է Հայաստան, որ Արցախին օգնություն հասցնելու փորձ անի։ Փարիզի քաղաքապետ Ան Իդալգոն դիմել է Ֆրանսիայի տարածքային մարմիններին՝ Արցախ մարդասիրական ավտոշարասյուն հասցնելը կազմակերպելու կոչով: Շարասյունը գուցե Արցախ չմտնի, բայց առնվազն միջազգային ասպարեզում հայտնի քաղաքական գործչի հոգու ճիչն է։
Նրա հոգին ցավում է Արցախի, 120 հազար արցախահայության համար։ Իսկ Ավինյանը հոգի չունի։
Սիրտն էլ լոկ քաղաքապետ է ուզում։
Միքայել Ոսկանյան
