24.08.2023
✹ Financial Times-ին անանուն արևմտյան պաշտոնյան ասել է, որ ինքնաթիռը խոցվել է զենիթահրթիռով (այս վարկածը տարածվել է, մասնավորապես, «Գորշ գոտի» տելեգրամ ալիքով, որը կապված է Պրիգոժինի հետ): FT-ի զրուցակիցը չգիտի, թե արդյոք Պրիգոժինը եղել է օդանավում, բայց հավելել է. «Պուտինը գերի չի վերցնում»։
✹ «Մենք մանրամասներ չգիտենք, բայց սա կարծես հստակ ազդանշան է [ռուսական] ռեժիմի կողմից, որ յուրաքանչյուր ոք, ով մարտահրավեր է նետում, պետք է վերացվի», - Politico-ին անանուն ասել է Կենտրոնական Եվրոպայի մի դիվանագետ:
✹ Պրիգոժինի ինքնաթիռը ոչնչացնելու հրամանը գրեթե անկասկած տրվել է Ռուսաստանի նախագահ Վլադիմիր Պուտինի կողմից, կարծում են Պատերազմի ուսումնասիրման ամերիկյան ինստիտուտի (ISW) վերլուծաբանները։ «Պուտինը, հնարավոր է, եկել է այն եզրակացության, որ բավականաչափ առանձնացրել է Պրիգոժինին Վագներից և կարող է սպանել նրան», - գրում է ISW-ն իր ամփոփագրում:
✹ ԱՄՆ նախագահ Ջո Բայդենը հայտարարել է, որ չգիտի ինքնաթիռի կործանման մանրամասները։ «Ես հստակ չգիտեմ, թե ինչ է տեղի ունեցել, բայց ես զարմացած չեմ»,- ասել է Բայդենը։ Հարցին, թե արդյոք նա Վլադիմիր Պուտինին պատասխանատու է համարում աղետի համար, ԱՄՆ նախագահը պատասխանել է. «Ռուսաստանում շատ քիչ բան է կատարվում, որից Պուտինը տեղյակ չէ: Ես բավարար տեղեկություն չունեմ, որ պատասխանեմ»։
